შპს „ჯეო სქაი სქულ“-ის მისია არის უსაფრთხო, მოდერნისტული ზოგადსაგანმანათლებლო დაწესებულების შექმნა. სკოლა მოწოდებულია აღზარდოს პატრიოტი, თავისუფლად მოაზროვნე, ტოლერანტი, სოციალურად აქტიური მოქალაქე, რომელიც კონკურენტუნარიანი იქნება დღევანდელ სწრაფადცვალებად სამყაროში და მომავალში პროდუქტიულ წვლილს შეიტანს საზოგადოებრივ ცხოვრებაში.
სკოლა უზრუნველყოფს მოსწავლეებისათვის ხარისხიანი საგანმანათლებლო მომსახურების გაწევას, რაც საშუალებას მისცემს მათ, მომავალში დამოუკიდებლად დაეუფლონ ცოდნას და შეძლონ ლაღად „იფრინონ“ კარიერული მწვერვალებისკენ.
სკოლა ორიენტირებულია უცხო ენების და შთEAM საგნების გაძლიერებულ სწავლებაზე, სწავლების ინოვაციური მეთოდებისა და პრაქტიკული საგანმანათლებლო პროექტების ფართოდ დანერგვაზე, რაც ხელს შეუწყობს „ჯეო სქაი სქულს“, ღირსეული ადგილი დაიმკვიდროს თბილისის კონკურენტუნარიან სკოლებს შორის.
სკოლისათვის უმნიშვნელოვანესია:
- მოსწავლეებს შეეძლოთ ანალიტიკური აზროვნება და საკუთარი აზრის გამართულად გადმოცემა, ზეპირად და წერილობით;
- მოსწავლეებს შეეძლოთ მიიღონ სწორი და დროული გადაწყვეტილებები;
- მოსწავლეები აღიარებდნენ სამყაროს და საზოგადოების მრავალფეროვნებას და იყვნენ ტოლერანტულები.
- მოსწავლეები უზრუნველყოფილნი არიან სასკოლო ფორმით და ტრანსპორტით. სკოლაში ფუნქციონირებს 8 სასკოლო კლუბი, რომელთაგან სწავლის საფასური მოიცავს 7 კლუბს – ინტელექტუალთა კლუბი, დებატ კლუბი, ავიამოდელირება, დიზაინი და მულტიმედია, თეატრალური კლუბი, კინოკლუბი, შრომის კლუბი, ხოლო მერვე – ფიზიკა-მათემატიკური კლუბი მოსწავლეებს მოემსახურება შესაბამისი გადასახადის სანაცვლოდ. სკოლაში ასევე, ფუნციონირებს ცეკვის წრე.
- სკოლა ორიენტირებულია გაძლიერებული ქართული და ინგლისური ენების, ასევე მათემატიკის სწავლებაზე, მოსწავლეებთან მუშაობენ ტუტორები, ხოლო ინგლისურს ასწავლის ბრიტანელი პედაგოგი.
- პირველიდან მესამე კლასის ჩათვლით მოსწავლეები უზრუნველყოფილნი არიან ორჯერადი კვებით, ხოლო მეოთხედან მეთორმეტე კლასის ჩათვლით – ერთჯერადი კვებით.
,,ჯეო სკაი სქულს’’ სპონსორობას უწევს საეთაშორისო ავიაკომპანია „Gეო შკყ“. მისი ინიციატივით შეძენილია 7000 კვ.მ ფართობის მიწა (თბილისი, კრწანისის ქ.) სკოლის ახალი შენობის მშენებლობისათვის. შენობა არჭურვილი იქნება უახლესი მატერიალურ-ტექნიკური ბაზით, რაც საშუალებას მისცემს მოსწავლეებს, მიიღონ მაღალი ხარისხის ცოდნა ზუსტ, საბუნებისმეტყველო მეცნიერებებში, ასევე, დაეუფლონ უცხო ენებს.
სკოლაში იგეგმება პროფესიული განათლების მიღების ხელშეწყობა მსოფლიო ბაზარზე მოთხოვნად და მაღალანაზღაურებად ისეთ პროფესიებში, როგორიცაა: ავიაინჟინერია, ავიაკონსტრუირება, მფრინავი, ბორტგამცილებელი, ბორტმექანოკოსი. ავიაკომპანია იღებს წარმატებული მოსწავლეებისათვის სახელობითი სტიპენდიების დანიშვნისა და დაინტერესების შემთხვევაში, მათი დასაქმების ვალდებულებას.
სკოლა იღებს პასუხისმგებლობას სოციალურად დაუცველ მოსწავლეთა (12 სოციალურად დაუცველი მოსწავლე) უსასყიდლო განათლებასა და მათი მომავლის დაგეგმვაში აქტიურ მონაწილეობაზე.
სწავლა იწყება 09.30-ზე და სრულდება 17:00 სთ-ზე.
